Tónlistarhátíðin og ráðstefnan Classical:NEXT 2026 hefur opnað fyrir umsóknir um þátttöku á hátíðinni sem fer fram dagana 8.- 11. apríl  2026 í Búdapest, Ungverjalandi.

Classical:NEXT er ein af mikilvægustu alþjóðlegu samkomu þeirra sem starfa á sviði sígildarar- og samtímatónlistar og býður hátíðin upp á einstakan vettvang fyrir tónlistarfólk frá öllum heimshornum til að kynna sig og sín verkefni og tengjast fagaðilum innan geirans.

Umsóknarflokkarnir 2026

Hægt er að senda inn tillögur í fimm flokkum:

• Showcase tónleikar (Showcase concerts) – Einleikarar og minni hljómsveitir geta sótt um að kynna verkefnin sín með tónleikum á hátíðinni.
  

• Klúbba-kynningartónleikar (e. club showcase) - Plötusnúðar, einleikarar og minni hljómsveitir geta sótt um að vera hluti af klúbbadagskránni. 

• Ráðstefnuerindi - Á ráðstefnunni er leitað að erindum sem miðla nýrri sýn og hagnýtri þekkingu á sviði sígildrar og samtímatónlistar.

• Verkefnakynningar - Stærri verkefni, stórar hljómsveitir og sviðslistaverkefni geta sótt um að halda kynningu á verkefninu sínu. Hvert verkefni fær 9 mínútur til að kynna verkefnið sitt með myndbandi og svara spurningum.

• Kvikmyndasýningar (Film Showcases) - Í samstarfi við IMZ International Music + Media Centre býður Classical:NEXT upp á sérstaka kvikmyndadagskrá. Þar gefst tækifæri til að sýna nýstárlegar kvikmyndir sem tengjast sígildri eða samtímatónlist. 

Skilafrestur

Umsóknir þurfa að berast eigi síðar en þriðjudaginn 30. september 2025. https://classicalnext.org/

Tónlistarmiðstöð á Classical:NEXT

Tónlistarmiðstöð hefur tekið virkan þátt í Classical:NEXT undanfarin ár og var íslenska sendinefndin árið 2025 sú stærsta sem hefur farið hingað til. Þar ber helst að nefna tónleika flautuseptettsins viibra og erindi Sigrúnar Sævarsdóttur-Griffiths á ráðstefnunni. En þar lagði hún áherslu á samstarfsmiðað tónsköpunarferli og miðlaði reynslu sinni af verkefnum á borð við The Messengers (London) og Korda Samfóníu (Reykjavík). Ásamt þeim var einnig fjöldi listafólks og fagaðila sem kynntu verkefni, sóttu ráðstefnu og tóku þátt í öflugri tengslamyndun.

Við hvetjum öll áhugasöm um að sækja um!