Íslenska Hip-hop senan kom, sá og sigraði á tónlistarverðlaunum The Reykjavík Grapevine sem haldin voru á Lemmy í gærkvöldi, fimmtudaginn 5. febrúar. Alaska 1867, digital ísland og Birnir hlutu öll verðlaun en hópurinn prýðir einnig forsíðu blaðsins þennan mánuðinn.

Tónlistarverðlaun The Reykjavík Grapevine hafa verið haldin árlega frá árinu 2013 og er þetta því í fjórtánda sinn sem verðlaunin eru veitt. Í ár voru 36 atriði tilnefnd í níu flokkum af dómnefnd sem ritstjórn tímaritsins setti saman. 

Í dómnefnd í ár sátu Alexander Le Sage de Fontenay, grafískur hönnuður og tónlistarpenni, Ish Sveinsson Houle og Jóhannes Bjarkason, blaðamenn Reykjavík Grapevine, Kristján Guðjónsson, dagskrárgerðarmaður á Rás 1 og Maria-Carmela Raso, tónlistarkona og viðburðarstjóri.

María Rut Reynisdóttir, framkvæmdastjóri Tónlistarmiðstöðvar, var meðal þeirra sem veitti verðlaun og notaði hún tækifærið og hrósaði blaðinu fyrir metnaðarfulla menningarmiðlun í áraraðir. 

Við tökum undir með Maríu og óskum öllum verðlaunahöfum til hamingju! 

📸 Art Bicnick

Listamaður ársins

‍

• Alaska 1867 – Sigurvegari
• Knackered
• Múm
• Páll Óskar og Benni Hemm Hemm

Plata ársins

• Birnir – Dyrnar – Sigurvegari
• RAKEL – a place to be
• Spacestation – Reykjavik Syndrome
• Múm – History of Silence

Lag ársins

• digital ísland – eh plan – Sigurvegari
• Alaska 1867 – SMS
• Páll Óskar og Benni Hemm Hemm – Eitt af blómunum
• Kusk & Óviti – HJÁ ÞÉR

Besta myndræna framsetning ársins

‍

• Flesh Machine – Taking My Time (Leikstjórn: Snæfríður Sól Gunnarsdóttir) – Sigurvegari
• Birnir, Doddi digital og Ragnhildur Stefánsdóttir – Dyrnar (plötuumslag)
• Ólafur Arnalds & Loreen – SAGES (Leikstjórn: Thora Hilmarsdottir)
• Kári Egils – Midnight Sky (Leikstjórn: Didda Flygenring)

Bestu tónleikar

‍

• quean : kven : queen (Sóley Stefánsdóttir og Samantha Shay) – Sigurvegari
• Norðanpaunk
• Sátan
• Kárahátíð með Spider Network

Best á tónleikum

• Knackered – Sigurvegari
• Flesh Machine
• symfaux
• Unfiled

Best geymda leyndarmálið

• Emma – Halidome – Sigurvegari
• Godchilla – Psionic Dreams
• Oh Mama – Dagskrá
• Woolly Kind – Í hringi

Listamenn til að fylgjast með

• BKPM – Sigurvegari
• digital ísland
• Fríd
• Julian Civilian

Þakklætisverðlaun (Vel unnin störf á vettvangi tónlistar)

• Ólátagarður (útvarpsþáttur) – Sigurvegari
• marvaða
• Óli Dóri
• Reykjavík Record Shop

‍