Hjálmar H. Ragnarsson, tónskáld og fyrsti rektor Listaháskóla Íslands, féll frá þann 13. mars síðastliðinn, 74 ára að aldri. 

Hjálma var brautryðjandi afl í íslensku tónlistarlífi í yfir fjóra áratugi. Að loknu námi í Bandaríkjunum og Hollandi sneri hann heim til Íslands árið 1980 og hófst handa við umfangsmikið höfundarverk sem spannar allt frá hljómsveitar- og kammertónlist til einleiksverka, einsöngslaga, kórverka, óperu, ballett-tónlistar og verka fyrir leikhús og kvikmyndir.

Meðal hans þekktustu tónsmíða eru hljómsveitarverkin Spjótalög og In Black & White, sellókonsertinn Yfir heiðan morgun, konsert fyrir orgel og hljómsveit,  óperan Rhodymenia Palmata, Five Preludes fyrir píanó, Partíta fyrir einleiksfiðlu, rafverkið Nocturne og ballettinn Rauður þráður.

Söngtónlist skipar veigamikinn sess í verkum Hjálmars. Verk hans eru dáð af íslenska kórasamfélaginu og eru þau flutt reglulega af flestum kórum landsins. Mörg þeirra verka sem hér má finna bera vitni um einstaka hæfni hans til að semja fyrir raddir og djúpan skilning hans á samhengi texta og tónlistar, hvort sem er í einsöngslögum eða kórverkum.

Samhliða tónsmíðum var Hjálmar áhrifamikill rithöfundur og fræðimaður. Brautryðjendarannsóknir hans á tónlist Jóns Leifs áttu stóran þátt í að vekja alþjóðlega athygli á verkum Jóns. Hjálmar lét mikið til sín taka í íslensku menningarlífi, gegndi forystustörfum í fjölmörgum listamannasamtökum og var stofnrektor Listaháskóla Íslands frá 1998 til 2013.

Til minningar um Hjálmar söfnuðum við saman nótum af helstu verkefnum hans hér, en eins er hægt að hlusta á verkin hér fyrir neðan.
‍