Björgúlfur Jes Einarsson, eða Bjöggi í Spacestation, tekur við Love Letter lagalistanum að þessu sinni.

‍Spacestation hafa verið á stöðugu flakki upp og niður Evrópu, frá því að hljómsveitin gaf út sína fyrstu plötu, Reykjavik Syndrome, í byrjun síðasta árs. Nú er hljómsveitin á leiðinni til Bandaríkjanna í fyrsta sinn þar sem hún mun koma fram á SXSW hátíðinni í Austin, Texas og á Iceland Airwaves Off-Venue tónleikum, á menningarhátíðinni Taste of Iceland, í Seattle.

Það er einmitt þetta flakk sem er kveikjan af lagavali Bjögga sem hann tileinkar heimþránni. Skafrenningsandinn er við völdin en Kúlusúkkið og E. Finnsson pítusósan aldrei langt undan. 

Njótið!