72.2 milljón krónum úthlutað í fyrsta sinn úr nýjum Tónlistarsjóði í deildir innviða og lifandi flutnings
Nýr framkvæmdastjóri Tónlistarmiðstöðvar er María Rut Reynisdóttir, og tók hún sérstaklega fram hve ánægjulegt það væri að “skrifstofur miðstöðvarinnar skulu vera þannig búnar að við getum hýst athafnir eins og þessar hér í húsi”.
Hlutverk Tónlistarsjóðs er m.a. að efla íslenska tónlist, hljóðritagerð og þróunarstarf í íslenskum tónlistariðnaði með fjárhagslegum stuðningi. Sjóðurinn skal einnig stuðla að kynningu á íslensku tónlistarfólki og tónsköpun þeirra hér á landi sem erlendis.
Nýr Tónlistarsjóður skiptist í fjórar deildir, með skilgreindum hlutföllum til úthlutana:
21% – Þróun og innviðir
25% – Frumsköpun og útgáfa
25% – Lifandi flutningur
17% – Útflutningur
12% – deilast á milli sjóða eftir ásókn umsækjenda og áherslum sjóðsins hverju sinni.
Í þessari fyrstu úthlutun Tónlistarsjóðs var eingöngu úthlutað styrkjum úr deildum innviða og lifandi flutnings. Alls voru 77 verkefni styrkt að heildarupphæð 72,2 m.kr. Í vor verður opnað fyrir umsóknir í allar fjórar deildir sjóðsins.
Úthlutanir fyrir lifandi flutning
Guðmundur Birgir Halldórsson kynnti úthlutanir sem heyra undir lifandi flutning, og var þar fulltrúi sinnar úthlutunarnefndar sem einnig taldi formann Aðalheiði Þorsteinsdóttur sem og Kristínu Valsdóttur.
Umsóknir til innviða í tónlist voru 76 og sótt var um ríflega 325 milljónir.
Tillaga nefndarinnar var að styrkja 32 verkefni styrki en til úthlutunar voru alls 31.2 m.kr.
Alls hljóta 23 verkefni í sígildri- og samtímatónlist styrk, 3 verkefni í jazz og blústónlist og 6 verkefni sem falla undir tónlistarverkefni af öðrum toga. Er þetta í samræmi við þær umsóknir sem bárust sem voru flestar úr geira sígildrar- og samtímatónlistar.
Langtímasamninga hljóta eftirfarandi aðilar:
- Sumartónleikar í Skálholtskirkju 4 m.kr. árlega - samningur til 2ja ára
- Óperudagar í Reykjavík 4 m.kr. árlega- samningur til 3ja ára
- Sönghátíð í Hafnarborg 2 m.kr. árlega - samningur til 3ja ára
- Bræðslan 1,5 m.kr. árlega - samningur til 3ja ára
- Reykholtshátíð 1 m.kr. árlega - samningur til 3ja ára
27 aðrar hátíðir og tónleikaraðir fá styrki, þar á meðal Aldrei fór ég suður sem fær hæsta verkefnastyrkinn að upphæð 1,5 m.kr. Síðan fá eftirfarandi aðilar 1 m.kr. hver í verkefnastyrki:
- Tónlistarstarf í Hallgrímskirkju
- Reykjavík Early Music festival
- Kammermúsíkklúbburinn
- Mengi
- Djass í djúpinu
Úthlutanir fyrir innviði og þróun
Hildur Kristín Stefánsdóttir kynnti úthlutanir sem heyra undir innviði og þróun, og var þar fulltrúi sinnar úthlutunarnefndar sem einnig taldi formanninn Arndísi Björk Ásgeirsdóttur og Frey Eyjólfsson.
Umsóknir til innviða í tónlist voru 76 og sótt var um rúmar 325 milljónir. Alls voru veittar 34,7 m.kr. milljónir króna til 33 verkefna. Alls hljóta 23 verkefni í sígildri- og samtímatónlist styrk, 3 verkefni í jazz og blústónlist og 6 verkefni sem falla undir tónlistarverkefni af öðrum toga. Er þetta í samræmi við þær umsóknir sem bárust sem voru flestar úr geira sígildrar- og samtímatónlistar.
Langtímasamninga hljóta eftirfarandi aðilar:
- Sumartónleikar í Skálholtskirkju 4 m.kr. árlega - samningur til 2ja ára
- Óperudagar í Reykjavík 4 m.kr. árlega- samningur til 3ja ára
- Sönghátíð í Hafnarborg 2 m.kr. árlega - samningur til 3ja ára
- Bræðslan 1,5 m.kr. árlega - samningur til 3ja ára
- Reykholtshátíð 1 m.kr. árlega - samningur til 3ja ára
27 aðrar hátíðir og tónleikaraðir fá styrki, þar á meðal
- Aldrei fór ég suður sem fær hæsta verkefnastyrkinn að upphæð 1,5 m.kr.
Síðan fá eftirfarandi aðilar 1 m.kr. hver í verkefnastyrki:
- Tónlistarstarf í Hallgrímskirkju
- Reykjavík Early Music festival
- Kammermúsíkklúbburinn
- Mengi
- Djass í djúpinu
Ljóst er að mörg góð verkefni, sem áður hafa verið styrkt, ná ekki brautargengi í þessari úthlutun og viljum við hvetja þau öll til að senda inn umsóknir aftur í maí.
Í þetta sinn var Rannís umsýsluaðili úthlutunarinnar fyrir hönd menningar- og viðskiptaráðuneytis í góðu samstarfi við Tónlistarmiðstöð. Nú þegar Tónlistarmiðstöð er tekin til starfa mun hún taka við sem umsýsluaðili sjóðsins, en notast við umsóknargátt Rannís.
.svg)
.svg)
.svg)
